لاتغيب عن عيني وتروح

لاتغيب عن عيني وتروح

دام انا مغليك بالله راعني

وارفق بقلب غذا كله جروح

سهم حبك بالضماير صابني

يابعد روحي ترى ماني شحوح

خذ عيوني كان قلبك طاعني

بس عطني كلمه فيها وضوح

وكان انا غلطان بالصد جازني

عيني لشوفك بها شوق لحوح

كل ماسجيت طيفك زارني

انت لك بالقلب يالغالي صروح

ماتغير لو ضميرك باعني

بس لاتقسى علي يوم وتروح

وانت خابر كيف بعدك تاعبني

بقلم عبدالله الزبيدي

اعشق كل ماهو جديد ومفيد وأحببت إنشاء هذه المدونة لاضع فيها كل ما يخصني وكل ما يفيدني ويفيد غيري.. اسالكم دعوة صادقة في ظهر الغيب . ان يوفقني ربي ويحقق امنيتي ويغفر لي ووالدي